Þjónusta

Arkitektúrráðgjöf í áskrift

Samfella í stefnu og ákvörðunum.

Á við þegar

Þið þurfið reynslu arkitekts reglulega, en ekki á hverjum degi
Innanhússteymi er hæft en skortir reynslu af stærri ákvörðunum
Arkitektúrákvarðanir eru teknar af þeim sem talar hæst
Hvert verkefni tekur staðbundið skynsamlegar ákvarðanir sem saman mynda ósamstæða heild

Vandinn

Stóru ákvarðanirnar koma sjaldan allar í einu. Þær dreifast yfir árið og hver þeirra byggir á þeirri síðustu.

Með reglulegri aðkomu arkitekts sem þekkir starfsemina og tæknina haldast ákvarðanir í samhengi. Ég fylgi málum eftir, held utan um heildarmyndina og undirbý og rýni stefnumótandi ákvarðanir með ykkur. Hugdrif selur hvorki hugbúnaðarleyfi né innleiðingu og þiggur engar þóknanir fyrir sölu eða tilvísanir, svo ráðin taka alltaf mið af ykkar hagsmunum.

Samstarfið er sniðið að þörfum ykkar. Þannig verður til þekking og samfella yfir tíma, án þess að þið þurfið að ráða sérfræðing í slíkt hlutverk. Ef þið viljið byggja upp eigin arkitektúrgetu er yfirfærsla til ykkar fólks hluti af samkomulaginu frá byrjun.

Hvernig þetta virkar

Skilgreind viðvera

Að jafnaði einn til nokkrir dagar í mánuði, umsamið fyrirfram, með fastri þátttöku á þeim vettvangi þar sem ákvarðanir eru teknar.

Samfella í samhengi

Ráðgjöfin byggir upp heildstæða mynd í stað þess að byrja upp á nýtt í hvert sinn. Ég veit hvers vegna fyrri ákvörðunin var tekin og hvað hefur breyst síðan.

Hlutverkið lagar sig að því sem vantar

Stundum er það ákvörðunarvald í stýrihópi. Stundum leiðsögn fyrir teymi sem hefur getuna en kannski ekki reynsluna. Stundum einfaldlega einhver til að rökræða við, sem hefur séð sambærilega hluti áður og hefur enga ástæðu til að vera sammála.

Aðgengi á milli funda

Stuttar spurningar fá stutt svör, án þess að reisa þurfi nýtt verkefni utan um þær. Það er oft það sem skiptir mestu í reynd.

Yfirfærsla frá byrjun

Innanhússarkitektar eru þjálfaðir samhliða og yfirfærsluáætlun er hluti af samkomulaginu frá byrjun, ekki eftiráhugsun. Markmiðið er teymi sem stendur undir hlutverkinu sjálft.

Það sem þið fáið

Skilgreind mánaðarleg skuldbinding með umsaminni viðveru og aðgengi
Þátttaka í arkitektúrstýringu og hönnunarráði, með ákvörðunarvaldi eða ráðgefandi eftir samkomulagi
Arkitektúrákvarðanir skjalfestar með rökum, ekki bara niðurstöðu
Leiðsögn og þróun innanhússarkitekta, sem er yfirleitt raunverulega markmiðið
Yfirfærsluáætlun með tímamörkum

Fyrirkomulag

Við semjum um fastan fjölda daga í mánuði eftir þörfum og umfangi verkefna, til dæmis einn til fjóra daga, eða fleiri á meðan stórt verkefni stendur yfir. Samið er til nokkurra mánaða eða árs í senn.

Dagskráin er ákveðin í sameiningu og getur meðal annars tekið til stefnumótunar, yfirferðar arkitektúrákvarðana, þátttöku í fundum og eftirfylgni. Fyrirkomulagið er fyrirsjáanlegt en jafnframt sveigjanlegt, þannig að aðkoman nýtist þar sem hennar er mest þörf.

Umfang

Léttur samningur

Einn dagur í mánuði. Þátttaka í einum stýrihóp og aðgengi á milli.

Venjulegur samningur

Tveir til fjórir dagar í mánuði. Þátttaka í ákvörðunum, leiðsögn og skjalfesting.

Átaksverkefni

Þyngri viðvera á meðan tiltekið verkefni stendur, léttist svo aftur.

Tengt

Heildarskipulag og verkferli

Skýr mynd af því hvar starfsemin stendur, hvert hún þarf að fara og hvaða ferli tengja þetta tvennt við daglega vinnu.

Lesa meira Gögn og upplýsingaarkitektúr

Ein samþykkt mynd af kjarnaupplýsingum starfseminnar og leið að henni sem krefst þess ekki að öllu sé skipt út.

Lesa meira Viðbúnaður fyrir gervigreind og erindreka

Heiðarlegt mat á því hvar starfsemin getur óhætt beitt erindrekum og hvað þarf að vera í lagi fyrst.

Lesa meira Kerfisval, útboð og rýni

Óháð rýni áður en skrifað er undir, svo kerfisákvarðanir standist til lengri tíma.

Lesa meira

Á þetta við hjá ykkur?

Hver er staðan hjá ykkur? Fyrsta samtalið kostar ekkert og skilar oftast því að spurningin verður skýrari, hvort sem framhaldið verður að verkefni eða ekki.

Hafa samband